Xuan Bello presenta "La Hestoria Tapecida"

"Xuan Bello presenta mañana vienres, a les 20.00 hores na llibrería Bertrand d'Uviéu, ""La Hestoria Tapecida"", un llibru pobláu de pantasmes, reales o imaxinarios, onde l'autor demuestra que toles histories puen abellugar una historia que s'escapa a la evidencia. Nesti casu, amás del autor, va participar nel actu la poeta asturiana Ana Vanessa Gutiérrez, que conducirá la presentación.

Xuan Bello ye ún de los autores más conocíos y reconocíos de la lliteratura asturiana d'anguaño. Autor de distintos xéneros, ente los que s'atopen la poesía, la prosa o l'ensayu, amás de la torna a otres llingües, sobre manera'l portugués.
Bello ye collaborador de periódicos como El Comercio o Les Noticies, amás de cofundador de les revistes Adréi o Zimbru. Ente les sos obres de narrativa rescampla la ""Historia Universal de Paniceiros"", Premiu Villa de Madrid na so versión castellana, y les más nueves ""Al dios del llugar"" o ""La nieve y otros complementos circunstanciales"", espublizaes dambes por Publicaciones Ámbitu, responsable tamién d'esta cabera obra."