Barcelona va pasar al software llibre na defensa del idioma

Los sistemes informáticos del Conceyu de Barcelona van ser dafechu en catalán y van encontase en sistemes operaticos Linux. El conceyal de la "Ciudá del Conocimientu" de Barcelona Jaume Oliveras va pilotar el procesu de transición de sistemes propietarios Microsoft al software llibre y en catalán. Münich va ser el modelu a a siguir pola alministración de Barcelona.

El Conceyu de Barcelona consigue asina desarrollar el catalán nun ámbitu en que les llingües minorizaes tan amenazaes por demás y amás afiten l'apueste pol software llibre, que yá dio un primer pasu col repartu de 60.000 CD's al públicu xeneral col sistema operativu CATix, una distribución de Linux en catalán acompañada de les aplicaciones d'oficina más comunes.

Xunta esta anuncia que vien de Barcelona, la normalización del catalán dio otru pasu alantre nes nueves tecnoloxíes cola presentación de la versión 3.0 del programa "Salt" un programa valencianu que ye iguador de testos y traductor.

El SALT, que nes sos primeres versiones tornaba del castellanu al catalán, ye tamién capaz agora de facer la torna inversa, del catalán al castellanu, y la Generalitat Valenciana va repartir más de 25.000 copies de la ferramienta, que tamién pue descargase de baldre. Un programa intersante y bien completu, anque nun ye l'únicu preséu de traducción catalán-castellanu disponible.