Pablo Rodríguez Medina, premiu de narrativa de Llangréu

Na Casa la Cultura de Sama Llangréu, presentóse esta mañana la edición de la obra ganadora de la primer edición del Concursu de Narrativa Conceyu Llangréu, "Los Taraos" obra de Pablo Rodríguez Medina, autor de L'Entregu que, con ser ún de los más mozos (nacíu en 1978) del panorama de les lletres asturianes, ye tamién de los que más tienen escrito nestos años. La so obra albarca yá dellos títulos de poesía y prosa en castelanu y asturianu, ente los que destaquen el cuentu "Misión Kappa" finalista del IV Concursu de relatos Alfaguara o la novela n'asturianu "Les vueltes, toles vueltes" . El so repertoriude premios inclúi el de poesía "Voces del Chamamé" el de poesía xuvenil «Miguel Hernández» o el Xosefa Xovellanos de novela

Per otru llau, Llangréu ye desde'l 15 de xunetu y hasta'l día 30, el conceyu onde fai parada esti mes la esposición itinerante organizada pola Conseyería de Cultura sobre l'escritor Andrés Solar con motivu de la celebración de la Selmana de les lletres Asturianes.