Los trabayadores de xusticia refuguen la propuesta del Ministeriu

"Los trabayadores de l'Alministración de Xusticia nel Principáu refugaron esti miércoles la ufierta del Ministeriu por 762 énte 90 votos. Dempués d'esti resultáu los 859 trabayadores de Xusticia d'Asturies que sofitaron la fuelga refugaron la ufierta del Gobiernu y sorrayaron que van siguir cola fuelga indefinida.

Na votación contabilizáronse tamién cinco abstenciones y dos votos nulos. No que cinca a los datos del referéndum n'Uviéu, Xixón y Avilés, el votu escontra de la propuesta del Gobiernu foi ""mayoritaria"" en toles ciudaes, según informaron fontes sindicales.

El documentu conseñaba una xuba de 140 euros con efeutos en 2008, dixebraos en 60 euros pagaderos dende xineru y 80 euros más, que diben ser abonaos retroactivamente en xineru o febreru de 2009, demientres que los 40 que quedaben diben a entamar a pagase'l mes d'abril del añu que vien, lo que supón una xuba de 180 euros mensuales."