Nueche Folk con Brenga Astur y Lliberdón

Estes dos bandes de folk, xunta l'espectáculu Discoteca Folk, van ser los qu'entamen la folixa esti miércoles nel occidente asturianu.

El pueblu de Tol ye'l llugar del conceyu de Castropol onde se celebra la "II Nueche Celta de Tol". Nel pueblu decidieron repetir esti añu pol bon resultáu que tuvieron l'añu pasáu con munchu públicu y meyor ambiente, y como comentó a esti diariu l'asociación "El Molín" organizadora de la nueche celta, cuenten con que que la nueche de mañana, día 21, seya tan prestosa como la del añu pasáu. P'algamar esti oxetivu hai preparáu'l plan que vien darréu. Pa que nun entre la fame y haya fuerces pa sentir a los grupos, dende les 21:00 hores va haber una churruscada popular. Depués, sobre les 23:00 hores, entama la música con "Brenga Astur", que repiten actuación esti añu depués de lo muncho que-y prestó'l al públicu la música d'esta banda la pasada edición. Darréu va tocar un nome propiu del folk asturiano, "Lliberdón", que nes últimes selmanes pudimos volver a velos en delles nueches folk, y p'acabar la fiesta nun se sabe a qu'hora, l'espectáculu "Discoteca Folk", música de baille con soníos propios d'esta II Nueche Folk de Tol.