Conectase a la Rede na zona rural ye llento y caro

"Los internautes que se conecten a la Rede dende la zona rural naveguen diez veces más lento y más caro que los usuarios que tienen llinia d'ADSL convencional nes zones urbanes. Ésta ye la conclusión d'un estudiu de velocidá fechu pol portal ""Adslzone.net"" sobre 18.000 conexones d'ADSL rural.

Según el portal, la media de velocidá algamada ye de 196 quilobites, ""un 57'8 por cientu menos de lo que promete Telefónica, únicu operador qu'ufierta esta conexón"".

El serviciu d'ADSL Rural básicu de 512 quilobites, puestu en marcha l'ún de xineru de 2006, asóciase col ""Programa d'estensión de la banda ancha nes zones rurales aisllaes"" del Ministeriu d'Industria, Turismu y Comerciu, que tien 60.000 abonaos en toa España. Esti serviciu ta cofinanciáu polos Fondos FEDER nel casu d'Asturies.

Por embargu'l responsable del portal, Javier Sanz, calificó esti serviciu mínimu rural de ""carísimu"" y de ""velocidá descomanadamente llenta"", al facer la comparanza col serviciu de les ciudaes,onde la velocidá básica ye d'ún megabite a un preciu de 29'90 euros, énte los 45 que cuesten los 512 quilobites de l'aldea."