Asturies.com regala entraes pal conciertu de "SKA-P", "Dixebra" y "The Lirium" en Llangréu

Con un cenciellu concursu los llectores d'ASTURIES.COM pueden algamar una de les cinco entraes que regalamos pal conciertu del día 19 de xunu en Llangréu.

Esti conciertu ye una iniciativa "rockera" del Conceyu Llangréu que dalguna forma quier llenar el vaciu que quedó dempués de que'l derrame colara de la localidá. El cartel tien unos valores seguros nel mundu del rock, los madrileños "Ska-P" anden de xira per Europa, anque van facer un pequeño paréntesis p'averase hasta Llangréu'l vienres diecinueve pa tocar xunta dos bandes asturianes, "Dixebra", de sobra conocíos pelos asturianos, y los locales "The Lirium". Estos últimos son llangreanos que lleven más tiempu del que paez pelos escenarios asturianos. Formáronse en 1996 anque daquella furrulaben col nome de "Delirium", dempués de cambios na formación y nel nome del grupu, en 2001 sacaron el so primer discu "Social spiral", anguaño sacaron el so segundu discu cola discográfica "Discosamordiscos" coorganizadora del conciertu.

La entrada pal conciertu, que va ser na escuela "'Eulalia Álvarez Lorenzo", val 10 euros n'anticipada y 13 na puerta. Anque con un poco de suerte'l llector pue consiguir una de les cinco entraes que sortea ASTURIES.COM Namás que dexando'l corréu'l llector va entrar nel sortéu de les entraes. Los ganadores vamos anuncialos el día 17 de xunu, y les entraes van tar acutaes na entrada del conciertu. Muncha suerte a toos.