Bono, presidente del Congresu en segunda vuelta

"El socialista José Bono foi escoyíu presidente del Congresu de la IX llexislatura en segunda vuelta, dempués de recibir 170 votos, 18 más que la candidata del Partíu Popular, Ana Pastor, que quedó con 152 votos, toos ellos del so grupu parlamentariu.

Anque la votación ye secreta y llévase a cabu con papeletes, podría afirmase que Bono tuvo'l sofitu de los diputaos socialistes y los de Coalición Canaria. Por contra, les más de les formaciones minoritaries emitieron el votu en blanco, un total de 26 papeletes, y nulo, una suma de dos.

Ésta ye la primer vez na historia de la democracia n'España na qu'un presidente de la Cámara Baxa nun ye escoyíu na primer vuelta, pa la que se necesita una mayoría obsoluta de votos positivos de los diputaos, ye dicir, 176. Nesti casu'l candidatu socialista a la presidencia del congresu José Bono, quedó con 168 votos, ún menos que los escaños del grupu al que representa."