La "harpa céltica" a estudiu en Xixón

La Escuela de Música Tradicional la Quintana de Xixón y La fundación de Cultura de Xixón entamen un "Alcuentru sobre l'harpa céltica".

El cursu d'arpa va dalu l'arpista gallegu Xavier Gómez, músicu de formación clásica que desenvuelve paralelamente un trabayu de divulgación d'esti particular instrumentu. El so trabayu y contactu col tamién arpista asturianu Daniel García de la Cuesta llevólu esti añu a ser profesor d'arpa céltica pa la Escuela de Música Tradicional la Quintana de Xixón, pa conocer más sobre esti músicu pue visitáse la so web. El cursu va ser los díes 25, 26 y 27 de xunu nel centru de cultura Antiguu Institutu de Xixón, la matrícula ye namás de 29 euros y p'apuntáse pue llamáse a estos dos númberos 985332244 y 985182960 o mandar un e-mail a dagarcues@yahoo.es.

Si namás que nos pruye ver y sentir l'instrumentu, entós hai dos opciones bien interesantes. Dir al conciertu presentación del cursu'l día 25 de xunu a les 20:00 hores nel Antiguu Institutu de Xixón, onde amás va presentáse'l llibru de Daniel García "Harpa y la so presencia n'Asturies", o visitar la esposición d'arpes que va tar tol fin de selmana nel mesmu llugar. Esta esposición faise cola collaboración de la tienda de música zaragozana "Musical Serrano".