Los escolinos de Xixón recuperen el derechu de poznera

El Conceyu de Xixón celebra'l Día Mundial del Mediuambiente con una fiesta pa rapacinos nel Monte Deva, onde cerca de 500 neños de 19 escueles distintes de la ciudá van plantar árboles acordies cola tradición del derechu de poznera, una tradición de vieyo mui enraigonada nel derechu tradicional astur que güei van recuperar los escolinos de la ciudá. La propuesta supón que cada centro pue "apadrinar" y poner nel Monte Deva, un árbol d'una llista d'especies asturianes, casu de bedures, carrascos, castañales, crézales, fresnos, fayes, lloreos, pomares o carbayos, ente otres.

Al llau de cada árbol va ponese una placa cola especie y el nome del centru educativu que lu punxo, y, siguiendo cola tradición del derechu de Poznera, el frutu que dea esi árbol va ser pa la escuela, que tamién tien el compromisu de cuidar l'árbol. Esi ye l'encontu del Derechu de Poznera, que valió muncho a lo llargo de la edá moderna pa la recuperación de bien de llugares onde se desaniciaron tolos árboles qu'había pa construir barcos o pa facer carbón d'ellos. Pues conocer más sobre'l Derechu de Poznera y sobre los usos tradicionales del monte na esposición virtual de la Fundación Belenos "Memoria Celta"