La encuesta del CIS da ganador al PSOE nes europees

El Centru d'Investigaciones Sociolóxiques (CIS) ta acabante d'espublizar la encuesta d'intención de votu correspondiente a les elecciones europees del 13 de xunu. Según esta encuesta, fecha sobre 4.781 entrevistes a lo llargo de la tercer selmana del mes de mayu, la encuesta da por ganador claru al PSOE, que tien una estimación de votu del 46,3% colo qu'algamaría 27 escaños. El PP quedaría con 5 escaños menos (22) y col 36,7% de los sufraxos, mientres que la tercer candidatura más votada sedría Galeusca/Pueblos d'Europa (Eusko Alderdi Jetzalea (PNV), Convergencia i Unió y el Bloque Nacionalista Galego, que col 5% de los votos tendría 2 escaños en Bruseles, los mesmos que-y correspuenden na encuesta a Izquierda Unida, anque con namás el 4,4% del votu. Pela so parte, la candidatura Europa de los Pueblos, qu'enxerta a Esquerra Repúblicana de Catalunya, Chunta Aragonesista, Eusko Alkartasuna, Andecha Astur, Conceju Nacionaliegu Cántabru y Iniciativa Ciudadana por La Rioja tendría ún escañu col 3,1% del votu. Ensin representación quedaría la Coalición Europea qu'igüen el Partido Andalucista, Coalición Canaria, Unió Valenciana, Partido Aragonés Regionalista, Extremadura Unida y el Partíu Asturianista, anque obteniendo un porcentaxe total de votu del 1,5%.