Chile tamién celebra la Selmana les Lletres

"LA ESCUELA D'ASTURIANÍA TENDRÁ LLUGAR ENTE LOS DÍES 16 Y 31 DE XUNETU

Chile tamién celebra la Selmana les Lletres

La Selmana les Lletres Asturianes nel Esterior 2008, organizada pol Conseyu de Comunidaes Asturianes en comuña cola Conseyería de Cultura y l'Academia de la Llingua, va celebrase esti añu nos Centros Asturianos de Santiago y Valparaíso, dambos en Chile.

El programa d'actividaes ta formáu por conferencies, actuaciones de música y una esposición de publicaciones n'asturianu, según anunció'l Presidente del Conseyu de Comunidaes Asturianes, Manuel Fernández de la Cera, dempués de la xunta de la Comisión Delegada del Conseyu la selmana pasada.

Nesti aconceyamientu tuvieron tamién presentes el Viceconseyeru de Seguridá, Emigración y Cooperación al Desarrollu, Valentín Ruiz García;la Direutora de l'Axencia Asturiana d'Emigración, Maria Eugenia Álvarez; y el Presidente de la Federación Internacional de Centros Asturianos (FICA), José Luis Casas, ente otros.

D'otru llau, na xunta tamién trataron la celebración de la Escuela de Branu d'Asturianía, qu'esti añu va tener llugar ente los díes 16 y 31 de xunetu n'Uviéu. L'oxetivu d'esta escuela ye la de formar a monitores de cultura y música de les comunidaes asturianes nel esterior. El programa d'esta tercera promoción tará compuestu por 300 hores llectives, repartíen en trés cursos o niveles, de los que van poder beneficiase un total de 27 persones. Esta noticia tamién pue consultase na páxina personal ""Tierra alantre, la mesma fala"" del Canal Blogues"