Sáenz de Santamaría, vocera del PP nel Congresu los Diputaos

"Soraya Sáenz de Santamaría va ser la nueva vocera del PP nel Congresu los Diputaos a lo llago d'esta llexislatura, garrando asina'l puestu que tenía hasta agora Eduardo Zaplana, según acaba d'anunciar el presidente del partíu, Mariano Rajoy. ""Ye una persona que tien munchu puxu ya ilusión, importantes nestos momentos. Yá ganó'l respetu de los sos compañeros y de los sos rivales"", dixo Rajoy de la nueva vocera. D'otra manera, nel Senáu será Pío García Escudero'l que siga siendo'l voceru del grupu.

El dirixente 'popular' dio a conocer esti nome na intervención que tuvo llugar na Xunta Direutiva que'l partíu celebró esta mañana en Madrid. Ponse asina'l puntu a los rumores de los últimos díes qu'asitiaben ente los candidatos a Esteban Gómez Pons o a Juan Costa.

Rajoy repasó nel so discursu'l resultáu electoral del PP nes pasaes elecciones y el trabayu realizáu pol so partíu pa ganar votos. Amás, tuvo pallabres d'agradecimientu pa Eduardo Zaplana, y tamién pa Juan Costa y Ángel Acebes. Rajoy tamién dio anuncia de los nomes del PP pa la Mesa del Congresu: Ana Pastor, Jorge Fernández, Celia Villalobos y Ignacio Gil Lázaro. Na Mesa del Senáu van tar Juan José Lucas, Ramón Rabanera y Matías Conde."