Greenpeace y Le Monde Diplomatique presenten un "Atles Mediuambiental"

"Greenpeace y Le Monde Diplomatique dieron anuncia esta selmana del llanzamientu del ""Atles Mediuambiental 2008"", qu'analiza los grandes desafíos de la Ecoloxía nel mundu, separtaos en dos estayes: ""Les amenaces del planeta"" y ""Lo que pue salvalo"". Amás, cuenta espublizase un anexu, fechu pola delegación asturiana de Greenpeace, nel que s'analiza la situación del mediu ambiente n'España y se desarrollen problemes como la xestión del agua, les enerxíes renovables, la contaminación por hidrocarburos, el tratamientu de les basures, los fueos forestales o l'agresión urbanística a les costes.
Dientro de la primera parte del atlas, sobre los peligros que vivimos anguaño, el cambiu climáticu ocupa'l llugar cimeru, encarándose los sos efeutos mediuambientales - desapaición de los polos, desastres metereolóxicos, efeutos es viesques, nes seques, la biodiversidá y la capa d'ozonu - pero tamién les consecuencies sociales - refuxaos ambientales, cambios agrícoles o peligru pa la desapaición de les costes.

Na segunda exa, plantéguense iniciatives empobinaes al cambiu de tendencia sofitao nes enerxíes renovables, el tratamientu de los residuos y l'agua, l'alimentación, etc. Asina mesmo sorráyase la importancia al respetu a los compromisos internacionales, encamentándose l'adopción del principiu xeneral del ""el que contamina, paga"", amosándose exemplos concretos de toes estes iniciatives tanto nos países desarrollaos como nos que tán en víes de desarrollase."