El cantu'l cisne de Telón de Fondo

"El grupu de teatru Telón de Fondo representará esti domingu nel Nuevu Teatru de La Felguera y dientro de la muestra FETEAS qu'entama l'Ayuntamientu de Llangréu, la obra ""Antón el cantu'l cisne"". El testu, obra de Lluis Antón González basándose nos testos de Chéjov, trata del pasu'l tiempu y el dramáticu final de la vida d'un actor. Nesti casu la obra será interpretada pol propiu autor, amás del actor José Luis Fernández.

El grupu de teatru Telón de Fondo ye perconocíu na escena asturiana pol so compromisu cola llingua, amosáu nel montaxes d'obres como ""L'Ensalmador"" d'Antón de Marirreguera.

Siendo una de les compañíes más antigües d'Asturies, naz nel añu 1973 a partir del grupu de teatru de la empresa siderúrxica ENSIDESA, de la que se dixebraría doce años dempués. El grupu vien desarrollando la so actividá n'Asturies, dau'l so deséu de contribuir dende l'escenariu a la normalización del asturianu. Por embargu tienen llevao los sos montaxes a ciudaes como Lisboa, Madrid o Bruseles."