José María Merino y José Luis Borau, nuevos académicos de la RAE

"L'escritor José María Merino y el cineasta José Luis Borau foron los escoyíos pa formar parte, como académicos de númberu, de la Real Academia Española (RAE). El primeru va ocupar el sillón ""m"", vacante pola muerte de Claudio Guillén, demientres que'l segundu ocupará'l sillón ""b"" que pertenecía a Fernando Fernán-Gómez. La institución, presidida pol maliayu Víctor García de la Concha, celebró'l xueves una xunta na que foron escoyíos estos dos nuevos miembros.

El direutor de la RAE, dixo sentise ""mui contentu"" poles votaciones, yá que, arriendes del ingresu de Merino, ""l'Academia cuntará con un home de bayurosa obra novelística, maestru del cuentu y articulista"". Pela so parte añadió que, cola presencia de Borau ente los miembros de númberu ""l'Academia asegura la presencia d'un home que conoz la teoría del cine, profesor de la escuela de cine, amás de direutor y guionista"".

José María Merino foi propuestu por Arturo Pérez Reverte, Álvaro Pombo y Luis Mateo Díez; demientres que la candidatura de José Luis Borau foi presentada por Antonio Fernández de Alba, Emilio Lledó y Antonio Mingote."