A la fin va haber Derrame Rock

Anque paecía que'l Derrame Rock nun diba facese otra vuelta
n'Asturies, la situación torció 180 graos y ta previsto que'l Derrame 2004 se faiga nel
conceyu de Pravia los díes 1, 2 y 3 del mes de xunetu. Charles, representante de Santo
Grial Producciones, comentó p'Asturies.com los aspectos principales d'esti
Festival.



A últimos del añu pasáu agotábense les
posibilidaes de que'l Derrame Rock volviera facese en conceyu de
Llangréu como ya tábemos avezaos los últimos años. Pesllada la
opción llangreana, dende la organización del festival víen mui
complicao que'l Derrame pudiere facese n'Asturies, y d´sbenlo casi como
imposible. Pero paez que tamién lo imposible pue algamase, y asina'l Derrame faise anguaño y amás
queda
n'Asturies.



Charles, de Santo Grial Producciones comentó a Asturies.com que
"la opción de facer el conciertu en Pravia surdió d'una
forma totalmente casual, que povocó que les dos partes, conceyu y
organización, pudieren tener un acercamientu que llevo a un alcuerdu pa
facer los conciertos nel polideportivu d'Agones ".




Dende la organización consideren que "esta ye una
edición de transición, poles dificultaes qu'implica'l cambiu de
sitiu". Con too y con ello esta edición "va ser más
modesta, redúcense les dimensiones, por exemplu va haber un solo escenariu,
anque pal añu qu'entra dende'l Derrame Rock esperamos aumentar les
dimensiones del festival, y que nel 95 seya la edición más grande
de la so historia".



No que cinca a los grupos namás qu'hai confirmaos por agora los
cabeza de cartel colos nomes de "Barricada" el xueves 1 de xunetu,
"O'funk'illo" vienres 2 y los gallegos "Los Suaves" el día 3. En pocos
díes va confirmase'l restu del cartel asina como'l preciu de
les entraes.