Atópense n'Atapuerca los restos humanos más antiguos d'Europa

"La población d'Europa ye nesti momentu 400.000 años más vieya. Esti cambiu pue esplicase dende'l caberu descubrimientu de la sierra burgalesa d'Atapuerca, onde acaba d'atopase una mandíbula con dientes de lo que paez ser un ""Homo Antecessor"" que podría tener hasta 1'2 millones d'años.

La noticia ta na portada de la prestixosa revista científica ""nature"" y abre la puerta a la llocalización de nuevos fósiles que nos averen entovía más nel tiempu a la vida conocida n'África y América.

La revista norteamericana da asina, y yá ye la segunda vez, la portada al equipu d'Atapuera, formáu por Juan Luis Arsuaga, José María Bermúdez y Eudald Carbonell. El descubrimientu de la mandíbula fai ""retroceder la llegada del home al continente européu"", señaló Arsuaga. De momentu, los restos tán catalogaos como pertenecientes a un ""homo Antecessor"" de sexu femenín.

Los restos más vieyos atopaos hasta esti momentu yeren los dataos fai 800.000 años, correspondientes a un homínidu d'orixe africanu anque atopáu na república de Georgia. Anque yá se tienen localizaos preseos de piedra más vieyos en Francia, Italia y España, según l'antropólogu del Muséu d'Historia Natural de Llondres, Chris Stringer. ""Faltábanos tener la evidencia direuta y acaba d'apaecer"", sorrayó en referencia a la importancia d'estos restos humanos."