Sporting 3 – Rayo 1 : Empobinaos a Primera

El Sporting caltién les sos aspiraciones de subir a Primera, dempués d’esti resultáu de 3-1 con goles de Bilic y Miguel (2). Con un Molinón con unos 24.000 espectadores hubo d'esperar al segundu tiempu pa que’l Sporting pasase a dominar claramente al equipu rayista. La primera parte finó con un asoliviante 1-1 dempués d'un dominiu alternu en que cualquier podría marcar. Pero la segunda parte traxo otru color, el Sporting con un mayor control del balón y l’aciertu en dos remates de Miguel, sentenció’l partíu.


El Rayo anque tuvo ocasiones clares nun foi quien a materializales, en especial un mano a mano col porteru sportinguista Roberto. Al final victoria con dominiu claru del Sporting y a esperar los demás resultaos de la xornada pa siguir naguando pol ascensu.