La ONU alvierte d'una inminente catástrofe en Somalia

"La Oficina de la ONU pa la Coordinación d'Asuntos Humanitarios, OCHA, sumóse al criteriu de les 40 axencies que trabayen en Somalia y vienen alvirtiendo sobre una inminente catástrofe nel país si nun se tomen midíes urxentes. Les axencies sorrayaron que cerca d'un millón de desplazaos somalís viven gracies a l'ayuda humanitaria, demientres que la violencia sigue desplazando mensualmente a 20.000 persones fuera de la capital, Mogadiscio.

La vocera de la ONU, Michele Montas, informó de que la OCHA tien confirmao la precariedá de la situación, polo que solicita urxentemente l'atención de la comunidá internacional. ""La violencia ya impunidá qu'hai nel país nun pue consentise. Si bien la ONU tien personal y recursos p'ayudar al pueblu somalí, ellos solos nun puen tener accesu a les persones que necesiten asistencia, porque les partes en conflictu y la violencia faen imposible cualesquier movimientu"", dixo Montas.
Samalia vive una situación asemeyada dende 1991, momentu nel que foi valtiáu'l dictador Mohamed Siad Barré y los clanes tribales dixebraron la tierra en feudos privaos que controlen al traviés de milicies paramilitares."