Xeira entrega los sos premios lliterarios

Esti vienres 16 d'abril, a les 9 de la tarde, l'asociación cultural XEIRA va entregar n'O Chao, capital del conceyu de San Tiso d'Abres, el XIII Premiu Xeira de narracióis curtias. La ganadora d'esta última edición foi Aurora García Rivas col rellatu "As cereixas". Nacida nel pueblu d'A Antigua (San Tiso d'Abres), anque vive en Xixón, Aurora García Rivas collabora nesta ciudá na tertulia poética Poegía, organizadora va poco del Primer Festival de la Poesía n'asturianu y gallego-asturianu onde s'axuntaron escritores nes dos llingües autóctones d'Asturies.

Nel actu d'entrega, que se fai en collaboración cola asociación local San Tirso del Eo, va facese tamién la presentación de la última publicación de Xeira, el llibru de poesía Al son das zalanceiras, d'Alfredo Álvarez de Ponticella. Esti autor de Villayón, conocíu más como investigador na etnografía de la zona occidental, preséntase agora con esti llibru enllenu de les imáxenes del ríu Navia, del so paisaxe y de la so hestoria.

L'actu lliterariu va pesllase con un recital poéticu a cargu d'Aurora García Rivas, Mª José Fraga Suárez, Alfredo Álvarez de Ponticella, Fredo de Carbexe y Xosé Miguel Suárez Fernández.