Multa histórica a Telefónica

El Tribunal de Defensa de la Competencia púnxo-y ayeri a Telefónica d'España una multa histórica de 57 millones d'euros por abusu de posición dominante nel mercáu de telefonía fixo. La sentencia respuende a una denuncia que punxeron en payares del 2001 los representantes de l'Asociación d'Empreses Operadores y Sirvicios de Telecomunicaciones (Astel).

La sentencia culpa a Telefónica de torgar a los sos clientes cuando preseleccionaben les llamaes al traviés d'otres compañíes. La preselección permite qu'un abonáu de Telefónica pueda llamar dende'l teléfonu que tien en casa con llinia de Telefónica al traviés d'otres operadores ensin falta de marcar un prefixu cada vez que descolgaren l'aparatu pa llamar. Telefónica conseguíaasina poner una estorbisa a terceres compañíes qu'intentaben competir en mercáu col xigante de les telecomunicaciones.