El Conceyu de L.lena falla'l XLV Concursu de Cuentos

"El conceyu de L.lena acaba fallar el Premiu Internacional de Cuentos ""Lena/L.lena"", que convoca tolos años en collaboración cola Conseyería de Cultura del Principáu d'Asturies, y que nesti añu llegaba a la 45ª edición.

Nel certame participaron un total de 473 relatos mandaos dende toa españa, asina como países europeos como Francia, Irlanda, Portugal y Alemaña; amás d'Hispanoamérica con países como L'Arxentina, Chile, Cuba, Venezuela, México, El Brasil, L'Ecuador, El Perú y El Salvador. Tamién foi recibíu dalgún cuentu con cuñu de Los Estaos Uníos y d'Israel.

El cuentu premiáu titúlase "¿Qué decía Shakespeare del frío?", del que ye autor, D. Antonio Valle Cobreros, (Uvieo, 1969), que yá tien espublizaos los llibros de relatos Perversiones, aventuras inevitables (2005) y El día más feliz de mi vida fue cuando se estrelló el camión de foskitos (2006).

L'añu pasáu coordinó'l llibru Mensajes de un mundo dibujado (2007) a partir de dibuxos del pintor Carlos Álvarez Cabrero y apareció tamién una compilación de los sos artículos viaxeros col títulu Pasajero en Asturias (2007).
En breve va publicar el so primer llibru pa neños, tituláu Tino y la alfombra mágica.

Antonio Valle vive de la enseñanza y anguaño trabaya en Xixón.

La entrega del premiu va facese'l vienres 28 de marzo, a les 19,30 h., nel Salón d'Actos de la Casa de la Cultura de La Pola."