68 places nes oposiciones de secundaria

El Conseyu de Gobiernu del Principáu dio de pasu ayeri la convocatoria de places pa mayestros de secundaria. La Ufierta Pública d'Emplegu de personal docente non universitariu pa esti añu ye de 86 places nueves. Según la Conseyera de Cultura Ana Rosa Migoya, l'oxetivu d'esta convocatoria ye afalar la estabilidá de la plantiya nos centros de d'educación secundaria y básica

La ufierta pública d'emplegu nun la igüen toles vacantes que cubren agora los interinos, son namás places qu'estabilicen nel tiempu o por causa de xubilaciones de funcionarios. Les 86 places de Secundaria que faen esta ufierta repártense en 5 pa Filosofía, 14 en Llingua Castellana y Lliteratura, 7 de Xeografía y Historia, otres 7 en Matemátiques, 14 en Dibuxu, 6 en Francés, 14 n'Inglés, 9 en Tecnoloxía, 5 en Formación y Orientación Llaboral y otres 5 n'Informática.

La Conseyera de Cultura llamó l'atención nesta convocatoria de places sobre l'alquisición d'especialidaes nueves qu'afayen que docentes con especialidaes en decadencia puedan optar por otres con mas demanda.

La convocatoria d'emplegu pa docentes non universitarios d'Asturies llega con retrasu sobre les de toles demás comunidaes autónomes, que yá dieron anuncia de les places d'oposición que diben convocar. Delles especialidaes de les que salen a concursu llevaben ensin convocase dende 1.998.