Rosa Díez podría nun votar por Bono

"La diputada electa d'Unión, Progresu y Democracia (UPyD), Rosa Díez, esplicó esti xueves que, anque entovía nun tien una ""posición zarrada"" sobre'l votu del nomamientu del socialista José Bono como presidente del Congresu, ta plantegándose nun-y dar el so apoyu yá que, dende'l so puntu de vista, el PSOE ""nun guardó les formes"" na so designación, y mostró ""falta de respetu"" a la institución.

En declaraciones a Telecinco, Díez aseguró qu'esti plantegamientu ye'l que-y treslladara'l día anterior al secretariu d'Organización socialista, José Blanco, nel aconceyamientu que mantuvieron na Cámara Baxa.

Na xunta recordó-y amás que'l xefe del Executivu en funciones, José Luis Rodríguez Zapatero, ""nomó al presidente del Congresu cuando tovía nun acabara l'anterior llexislatura"". Por ello, anque insistió en que la so posición nun ta ""zarrada"", sí alvirtió de que les circunstancies nes que se designó a Bono ""preocupen"" al so partíu y defendió que la rexeneración democrática qu'UPyD reclamó a lo llargo de tola campaña electoral ""ye lo contrario"". ""La posición institucional de la Presidencia nun foi respetada, lo que supón una falta de respetu a la institución"", insistió."