Un 40% de l'ayuda que llega a Afganistán torna pa Occidente como beneficios

"La paz n'Afganistán ta siendo minada pola incapacidá de los países occidentales de facer llegar l'ayuda prometida y pol fechu de que'l 40% de los fondos que sí lleguen al país tornen rápidamente a Occidente como beneficios y salarios, según denunció l'Organismu Coordinador de les Axencies d'Ayuda n'Afganistán, que xunta a toles ONG que tán trabayando nel país.

Afganistán depende de l'ayuda internacional pal 90% del gastu, demientres que fai por llevantar un país esbarrumbáu por 30 años de guerra que se cobró, tovía l'añu pasáu, un total de 6.000 muertos. Por embargu los gastos d'ayuda humanitaria y cooperación al desarrollu son perpasaos polos costos de les operaciones militares.

La comunidá internacional comprometiérase a gastar unos 25.000 millones de dólares na reconstrucción y el desarrollu del país pero, según l'informe, ""namás 15.000 millones de dólares foron gastao n'ayuda, y d'esos el 40% tornaron a los países donantes en forma de beneficios corporativos y salarios"".

Amás, según l'informe, dos tercios de l'asistencia internacional reblaga penriba del Gobiernu afganu, minando la recontrucción de les instituciones estatales. Amás, los donantes internacionales nun tán bien coordinaos ente ellos, polo que'l Gobiernu afganu nun llega a saber ónde van les perres."