El sector críticu en CLAS cuenta con ganar

El sector "criticu" de ganaderos socios de la Central Llechera Asturiana enxertos n'Asociación Independiente de Ganaderos (AIG), que'l xueves perdieron les votaciones na renovación de la xunta directiva de CLAS contra la candidatura "oficial" de Pedro Astals tienen pa ellos que d'equí a la vuelta de trés años van tener el cien por cientu del sofitu de los socios pa mandar na cooperativa.

El portavoz del colectivu, Jesús Fernández, declaró güei sábadu que d'equí a trés años van tener el sofitu de tolos socios de CLAS, y ello va ser asina por una cenciella progresión xeométrica: va un añu yeren namás 5 persones les que facíen el guañu del sector críticu, de laque se presentaron les cuentes añales de la cooperativa demostraron que yá yeren el 27% y esta selmana llegaron yá al 47% del total de socios de la cooperativa. De siguir asina, nunos trés años podríen llegar al 100% de los socios. D'otra manera, Fernández apuntó que, con tar na oposición, los críticos ven bien qu'haya un director xeneral nuevu en CLAS "que seya de consensu ente tolos socios y que venga del sector de les cooperatives"