Toli Morilla pon música al Trisquel

"Música en directo ye lo qu'ufierta la nueche del xueves en Xixón, y ente les posibilidaes que se pueden disfrutar ta'l conciertu que'l cantautor Toli Morilla va dar en Xixón.

Esta vegada'l músicu xixonés va acompañase de varios collacios, músicos que lu vienen acompañando pelos escenarios que van enllenar d'acordes y pallabres tolos requexos del Café Trisquel. Toli tocará los temes del so últimu discu, ""Entropía"", anque de xuru habrá sitiu pa la improvisación y p'atrevese con esos temes que vayan suxiriendo los momentos de la nueche.

Pa ello Morilla va contar cola collaboración de Jorge Otero, el conocíu llíder de los Stormy Mondays, que tocará la guitarra y la mandolina, y Pablo Bertrand, que se va ocupar de les tecles col pianu y l'órganu hamond. La cita ye esti xueves 27 a les 21:30 hores nel Café El Trisquel, asitiáu na cai Marqués de San Esteban de Xixón"