Ana Cano defende la oficialidá énte la imposición toponímica

"La presidenta de l'Academia de la Llingua Asturiana rellacionó, nel actu de presentación del Diccionariu ""on line"", l'aprobación, per parte de la comisión Xeográfica Nacional, de la denomación ""Ría de Ribadeo"", cola falta de reconocimientu oficial pa la llingua asturiana.

Como yá manifestara l'Academia pente medies d'un comunicáu, Ana Cano manifestó'l convencimientu de que ""con una política llingüística real, como la que sí hai en Galicia, nun pasaríen coses asina"".

Según Cano, ""tanto d'esti llau, como na mayor parte de la otra oriella, úsase muncho más la terminoloxía ""Ría do Eo"" o ""Ría del Eo"", y non ""Ría de Ribadeo"". Asina sorrayó que taba segura de que ""si n'Asturies la llingua fuera oficial, el Gobiernu Asturianu tendría más fuerza pa defender los sos plantegamientos fuera de les llendes d'Asturies"".

D'esti mou, pidió-y otra vuelta al Gobiernu del Principáu el posicionamientu, considerando que ""ye esti un conflictu innecesariu""."