L'Andecha Folclor d'Uviéu presenta un llibru sobre les xotes

Güei xueves presentáse n'Uviéu l'esperáu llibru de L'Andecha Folclor d'Uviéu sobre la xota n'Asturies.

Nel mundu de la música tradicional asturiana yera mui esperada la publicación d'esti cancioneru. La necesidá d'un bibliografía sobre música asturiana convierte en noticia importante la salida de materiales d'esti tipu, que faciliten al públicu en xeneral una forma senciella d'averase a la música tradicional asturiana.Va dellos años que'l grupu etnográficu uvieín llevaba trabayando nesti proyectu, compilando material del archivu del propiu grupu, que recueye muncho años de trabayu de campu. A la fin sal un completu estudiu de la xota como baille, yá que nél podemos ver tipos, estilos, y distintes formes de baillar la xota n'Asturies según la zona, completando esti estudiu una riestra de partitures de xotes de toa Asturies. Pa conocer más coses sobre esti trabayu pue dise güei a la presentación del mesmu al salón d'actos del Muséu de Belles Artes d'Asturies n'Uviéu a les 20:00 hores.