Sigue la polémica sobre la denomación de la Ría del Eo

"La denomación ""Ría de Ribadeo"" propuesta pola ""Comisión Geográfica Nacional"" del Conseyu Superior Xeográficu sigue captando l'interés de los medios de comunicación. El fechu de que l'organismu, dependiente del Ministeriu de Fomento, se posicionare pola denomación defendida dende la Plataforma gallega para la Defensa de la Ría de Ribadeo, fai que la cartografía de los documentos oficiales tenga qu'entamar a recoyer, dende esti momentu, la nueva denomación en tolos sos escritos, inda los que pertenecen al Principáu d'Asturies.

Tanto dende los medios de comunicación asturianos como gallegos, asina como un bon garapiellu de blogues y páxines de calter personal, ta poniéndose enriba la mesa les diferencies de criteriu no que cinca al nome tradicional d'esti espaciu natural que marca la llende ente Asturies y Galicia.

L'Academia de la Llingua Asturiana, asina como dellos blogues particulares, definen la midida como ""una política llingüística d'enclín espansionista"", acusando a la ""comisión Geográfica Nacional"" d'alcagüetar una ""imposición llingüística"".

D'otru llau na parte gallega, y sobre manera na Plataforma de la Ría de Ribadeo, felicítense por una midida que, dende'l so puntu de vista, da-yos la razón con una ""resolución que nun tien discusión por tar tomada por una comisión téunica y profesional que tuvo en cuenta abondos informes"".

Referencies a esta noticia nos medios dixitales:

Canal Blogues
La Nueva España
La Voz de Galicia"