Acebes diz que foi ETA

El ministru d'interior Ángel Acebes dixo esta mañana que'l Gobiernu nun tien dulda de que la responsable de los atentaos d'esta mañana foi la banda terrorista ETA, y da como niciu qu'apunta pa ello l'emplegu del esplosivu titadine, que ye'l qu'aveza a gastar el grupu vascu Acebes dixo que pensar que nun foi ETA. Con too y con ello, la escala del atentáu, que dexa pequeñu cualquier otru n'España y n'Europa, y el fechu de que naide nun llamare avisando de la colocación de los esplosivos, como aveza a facer ETA, pon delles duldes sobre l'autoría, qu'ETA entovía nun asumió oficialmente. El Presidente español, José María Aznar dixo que a los asesinaos "matáronlos pol cenciellu fechu de ser españoles" y dixo que nun va aparar hasta dar colos criminales, anunció "la derrota final del terrorismu"

El ministru d'interior británicu Jack Straw apuntó esta mañana en declaraciones a la CNN en rellación colos atentaos de Madrid que podría ser el grupu integrista islámicu Al Qaeda, y non ETA, quien tuviere tres de la masacre na capital del estáu, que'l Gobiernu Español atribúi directamente a la banda vasca. La prensa inglesa tampoco nun acaba de creelo

Otrabanda, Arnaldo Otegui, que fuere secretariu de la illegalizada Batasuna, dixo en declaraciones a Herri Iratia que recueye'l periódicu Berria que nun creyía que fuere ETA la que ta tres de los atentaos y echo-yos la culpa a "resistentes árabes". El periódicu vascu Gara afirma que'l Ministeriu del Interior recibió llamada d'un grupu islamista en rellación colos atentaos, estremu que ñegó dafechu Acebes.