El Centru Asturianu de Torrevieja celebra los 25 años

"La executiva del Centru Asturianu de Torrevieja, asina como'l conceyal de Cultura de la ciudá valenciana, Eduardo Dolón, visitaron esti miércoles la Xunta Xeneral del Principáu.

El motivu de la visita enmárcase na celebración de los 25 años d'esistencia del centru asturianu alicantín.""Queremos agradecer el sofitu de les instituciones asturianes pa poder algamar los 25 años d'esistencia"", afirmó énte ún de los medios, el secretariu del Centru Asturianu de Torrevieja, Enrique Fernández. L'edil de Cultura declaró qu'Asturies atópase ""mui representada"" na ciudá, al traviés del Centru Asturianu, y recordó que Torrevieja ye una de les localidaes d'España que cuenta con más ciudadanos procedentes d'otres Comunidaes.

Pela so parte, la presidenta de la Xunta Xeneral del Principáu, María Jesús Álvarez, amás de felicitar al Centru Asturianu poles bodes de plata, sorrayó la importancia del papel de los asturianos que s'atopen fuera del Principáu. ""La Xunta quier tar colos asturianos de fuera, porque son los nuestros meyores embaxadores nel mundu"" señaló la presidenta. Pa finar, María Jesús Álvarez entregó al edil de Torrevieja una réplica en miniatura del edificiu de la Xunta Xeneral del Principáu."