Más ayudes a la Mina la Camocha

El vicepresidente primeru y ministru d'Economía, Rodrigo Rato, dio anuncia de que'l so ministeriu va da-y una ayuda con cargu al exerciciu del 2.003 de 597.348,67 euros a la Mina La Camocha, que va poco vivió fuertes movilizaciones de los sos emplegaos, que nun veíen claru'l futuru de la esplotación. Según el ministeriu, con ello l'ayuda total para dicha empresa en 2003 llega a los 16.332.182 euros. Les ayudes a la "producción corriente" pal añu 2.003, qu'enantes se conocíen como "al funcionamientu y reducción d'actividá" calculárense acordies a estimaciones provisionales nes que faltó un mes por contar, polo qu'agora amiéstase esta ayuda estraordinaria de cerca d'ochenta millones de les anyigües pesetes.

L'anuncia ministerial vien una selmana dempués de que'l Principáu roblare un aval por importe de 3,5 millones d'euros pa Mina La Camocha que l'executivu asturianu pola mengua y retrasu nel pagu de les ayudes del Institutu del Carbón, venceyando l'aval a la presentación d'un plan de xestión y reestructuración que tien de vencer n'avientu del 2.005.