Carot Rovira renuncia a la presidencia d'Esquerra

"L'actual presidente d'Esquerra Republicana de Catalunya, Josep Lluís Carod-Rovira, acaba d'anunciar, nuna entrevista pa la Radio de Catalunya, la so intención de nun presentase a la reeleción a la presidencia del partíu. Carot, vicepresidente de la Generalitat, dixo que con esta decisión lo que quier ye ""quedar al marxe de tolos alderiques internos"".

Amás el voceru d'ERC manifestó que yera ""la hora de los xestos, y yo faigo'l primeru"", refiriéndose a los resultados electorales del 9 de marzu, nos que la so formación perdió cinco diputaos.

Pela so parte'l Presidente de la Generalitat de Catalunya, José Montilla, dixo que se trataba d'un xestu de ""xenerosidá política"" y a favor ""de la unidá del partíu"". Pesie a que Rovira nun dexo claro si esto va significar nun tornar a presentase a la presidencia de Catalunya, cuestión sobre la que prefirió nun pronunciase. Asina matizó que nun tendría problema en presentase a unes elecciones primaries n'ERC, y dexar asina nes manes de los afiliaos la escoyeta del candidatu más afayadizu pa les elecciones del 2010."