Navia convoca les II Xornaes d'arqueoloxía

Depués del ésitu de la primer edición de los Coloquios d'arqueoloxía na cuenca del Navia, l'ayuntamientu naviegu decidió qu'esta cita se faiga cada dos años, dexándose l'añu que queda ente una cita y la de dempués a espublizar les actes. Ello ye qu'esti añu toca facer xornaes, y van ser ente'l 4 y el 7 de febreru.

Nel web del Conceyu de Navia puen consultase tolos detalles sobre esta convocatoria, que va presentar l'arquéloga Carmen Fernández Ochoa, mientres que Dolores Fernández Posse va dar la confrencia "Continuidaes y discontinuidaes ente'l bronce y la cultura castreña nel noroeste peninsular " y Inés Sastre Prats va esplicar aspectos de la cultura castreña nel noroeste peninsular.

"El bronce final y la primer Edá del Fierro nel noroeste de Portugal" va ser la ponencia de Ana Bettencourt, de la Universidá de Braga, mientres que pela Universidá d'Uviéu

el profesor miguel Ángel de Blas Cortina va falar xunta'l director delPlan Arqueolóxicu de la Cuenca del Navia Ángel Villa sobre'l Chao Samartín.

Armando Llanos Ortíz de Landaluze, de la Sociedá d'Estudios Vascos-Eusko Ikaskuntza, Angel Esparza Arroyo, de la Universidá de Salamanca, Francisco Javier Sanchez-Palencia del CSIC o Antón de La Peña Santos, del Muséu de Pontevedra, que va falar del debate en galicia sobre la formación de la cultura castreña, son otros de los munchos especialistes que van participar nesti congresu.

El formulariu pa la inscripción, que cuesta 180 euros pa profesionales y profesores y 120 pa estudiantesdescárgase dende la mesma web del Conceyu de Navia. Les places disponibles son namás que 60.