L'ADBA ganó al colista con facilidá

"L'ADBA ganó con comodidá al últimu clasificáu, el Canal de Isabell II, pol resultáu de 54 a 83. L'equipu madrileñu namás qu'agunató'l primer cuartu nel alcuentru, dempués, cuando les asturianes serenaron el so xuegu, éstes entamaron a garrar ventaya nel marcador y llegaron al decansu con nueve puntos de separtación, 33 a 42.

Nel tercer cuartu les avilesines axustaron la so defensa y foi cuando marcharon nel marcador, llegando a tener ventayes d'hasta trenta y un puntos. El caberu periodu l'equipu asturianu caltuvo la ventaya y dexo pasar el tiempu. Les asturianes siguen sestes na clasificación, a una victoria de les terceres y les cuartes -puestos que dan drechu a xugar les eliminatories pol ascensu-, pues nesta xornada ganaron tolos equipos que tán no cimero la clasificación.

Ficha técnica:

Canal de Isabel II:
Marta Ginés (13), Jill Bell (12), Yolanda Fernández (8), Vanesa García (9) y Laura Sevillano (9). Tamién xugaron: Rebeca Orgaz, Silvia Quero (5), Blanca Civieta y Sonia Sánchez.
ADBA:
Verónica Alonso (10), Orinta Kavaliauskaite (1), Anna Boleda (10), Zora Skrabalova (10) y Jeroca Watson (17). Tamién xugaron: Paula Ballvé (12), Carla González (14), Iratxe Cabrera, Jana Stantienova (2) y Debora Abreu (8).
Árbitros:
José Luis López y Javier Pinilla.

Na ADBA nun hebo xugadores eliminaes por cinco faltes personales, nel Canal de Isabel II foi eliminada Yolanda Fernández (minutu 36).

Partíu de la ventésima segunda xornada de la Lliga Femenina 2 Grupu A, xugáu nel Pabellón La Vía de Coslada en Madrid.

Parciales per cuartos: 19-19, 14-23, 10-25 y 11-16."