La selmana en bolsa

Les bolses rexistraron la primer cayida del añu poles males anuncies que vinieron d´Estaos Xuníos, ente ellos mal resultáu del emplegu. L'euru algamó tope otra vegada, yl'índiz Ibex-35 llogró asitiase penriba los 8.000 puntos pero la recoyida de beneficios y les cayies nes bolses europees emburriaron al selectivu a pesllar en perda.

Ente les estadístiques de la selmana pasada, el mal datu de desempléu d´Estaos xuníos foi'l que más pesó sobre los mercaos. Con un datu del 5,7% de desemplegu los inversores ven que la recuperanza económica d´Estaos Xuníos nun s'espeya nel mercáu llaboral. Por poner un casu, la creación d'emplegu agrícola foi de 1000 puestos creaos contra los 150.000 previstos. La selmana pasada tamién hebo datos de la locomotara europea. Alemaña tuvo malos númberos na balanza por cuenta corriente y na balanza comercial.

N´España, anque'el datu de producción industrial foi d'un positivu +2,0 %, la selmana nun pintó bien na Bolsa de Madrid. De fechu, ye la primer vegada en delles selmanes que´l selectivu Ibex tien un pieslle en negativo. L´Ibex asitiose'l vienres en 7.924,60 puntos (-0,24%). De toles formes el volume de negociu sigue altu, como se demostró'l vienres, con 2.984 millones d´euros negociaos. Ensin duldes el meyor valor de la selmana pasada foi Iberia, que marcó másimu hestóricu de 2,50 euros acción. Tamién tuvieron xuba'l Banco Popular y Enagás, pero la selmana foi negativa pa les mas de les empreses cotizaes, sobremanera pal Grupu Telefónica onde la matriz perdió'l 2% del valor. Amadeus, Acerinox, Indra, ACS y Repsol tamién perdieron. Una de les anuncies de la selmana foi la espublización de la orde ministerial pola que toles empreses cotizaes nes bolses españoles tienen que tener un sitiu web pa informar a los accionistes. Lo preocupante ye qu'entovía hai delles empreses mui importantes que nun tienen o tienen una probetaya presencia na rede.

Otramiente, Asturies cuenta d'agora en p'alantre con Duro Felguera como únicu valor d´orixe asturianu en cuantes que la OPA d´esclusión d´Aceralia va sacala del mercáu. Asturies dexó de tener nel parqué madrilanu valores históricos como Hidrocantábrico, Banco Herrero o Asturiana de Zinc. La Bolsa de Madrid va traer esti añu delles anuncies más d'OPA d´esclusión: Terra, Parques Reunidos y Cepsa son los que más posibilidaes tienen de dexar de cotizar nel mercaú continuu. Tamién esti añu van entamar OPVs como ye´l casu de Gamesa Aeronáutica, Vocento, Auna o BME.

En materies, importante xuba del petróleu hasta los 34,40 dólares. Xunta la probetaya reserva del primer consumidor, EEXX, el recorte nes reserves de la petrolera Royal Dutch fizo que la cotización medrare asgaya, xunta la ola de fríu en Norteamécia, que ta escosando más la reserva. Esto va a la escontra de les estimaciones de los analistes que contaben con una baxada del preciu del barril. Tamién xubió'l preciu del metal mariello, trancando l´oru nos 425 dólares onza. En cuantes al euru parez ser que van camín de convertise en realidá les peores previsiones, cola moneda alleg´ndose más al peligrosu cambéu de 1,50 dólares. De momentu, nuevu récord con 1,2872 dólares.