El Festival "Pallabra & Música" llega a Xixón

"El Festival ""Pallabra & Música"" ta dedicáu al ""spoken word"" un xéneru desconocíu hasta hai poco nel nuestru país. Nesta cuarta edición el Festival amplía'l campu d'aición y de celebra en trés sedes: Sevilla, Mallorca y Teatru Llaboral de Xixón. La organización recordó que ""Pallabra & Música"" nun ye un festival de poesía con música de fondu, nin un ciclu de música con conteníu poéticu. El ""spoken word"" amiesta l'espíritu ""beat"" nel que se xunten testos recitaos - poesía, prosa o prosa poética - con música creada, esclusivamente, p'acompañar les pallabres. O a la escontra.

El cartel d'esta edición ta enllenu d'artistes reconocíos. Rescampla, ente otros, Henry Rollins, pioneru absolutu del ""spoken word"" con una docena d'obres, que, nesti casu, presenta en solitariu. D'otru llau'l grupu holandés Veenfabriek, qu'actuará colos poetes asturianos Pablo Texón y Sofía Castañón; Willie Vlautin, cantante del grupu de country alternativu Richmond Fontaine; Mister Master y Sr. Mansilla; Miriam Reyes y pa finar otru de los platos fuertes del cartel, Marlango y l'escritor italianu Alessandro Baricco.

Pa saber más sobre les feches de caúna de les actuaciones consulta la nuestra Axenda d'Ociu "