Los llectores d'asturies.com, pesimistes cola reforma del Estatutu

"La entruga que poníemos enriba la mesa'l pasáu llunes, al rodiu de la inclusión de la oficialidá de la llingua asturiana nel nuevu Estatutu, vien xenerando nos caberos díes una bona riestra de rempuestes per parte de los llectores d'asturies.com. Los datos correspondientes al sondéu d'opinión amuesen ciertu pesimismu, siendo la rempuesta qu'ufierta la reconocencia menos amplia del asturianu nel Estatutu la que más votos algama.

D'otru llau, y dada la posibilidá de desarrollar opiniones qu'ufiertábamos nesti casu, los llectores espresen la so desconfianza hacia un Partíu Socialista que, según dellos comentarios, ""va pactar l'estatutu col PP ensin IX y ensin oficialidá"". D'otru llau, dalgunes persones adelántense a esti resultáu proponiendo que les midíes vayan empobinaes a la denuncia nel Tribunal Consitucional ""presentando un recursu d'inconstitucionalidá"".

Tovía tas a tiempu d'espresar les tos opiniones nel Conceyu Abiertu. "