Aprobóse la Llei de Cooperación al desarrollu

El Conseyu de Gobiernu d'Asturies d'ayeri aprobó la llei de cooperación al desarrollu, que fai d'Asturies la primer comunidá autónoma n'acutar por llei el 0,7% de los sos recursos a la cooperación.

La llei apauta que dende l'añu 2007 en p'alantre la comunidá autónoma ha acutar el 0,7% de los sos sus recursos propios a la cooperación, una cantidá que, acordies colos presupuestos actuales, sedría de cerca de doce millones d'euros. No presupuestosdel 2006 esti tantu por cientu va ser yá del 0,6%, sorrayando'l Conseyeru de Xusticia Francisco Javier García la importancia de la llei como ún de los compromisos espeyaos en Pautu de Gobiernu y como una midida que pon a Asturies na vanguardia de les polítiques solidaries nel mundu.

La llei encóntase nos encamientos de la ONU y documentos como la Carta de los Derechos Humanos, la Declaración sobre el Derechu al Desarrollu o la Declaración d'Oxetivos del Mileniu de la ONU 2000-2015, apautando les prioridaes xeográfiques y sectoriales de la cooperación asturiana al desarrollu, con atención especial a los pueblos y países aprbrecíos colos qu'Asturies tien rellación histórica y cultural.


La llei apauta tamién la planificación y instrumentos de cooperación al desarrollu creando la figura del Plan Director de Cooperación pol que se manden los oxetivos y prioridaes de la política de cooperación al desarrollu, les competencies de los distintos organismos que tienen que ver cola cooperación y crea tamién un órgano consultivu y de participación na figura del Conseyu Asturianu de Cooperación al desarrollu, con un capítulu especial dedicáu a afalar la participación de la sociedá asturiana na cooperación al desarrollu
.