Rafael Lorenzo presenta’l so discu en Tinéu

Pabirun, Pabirun ye'l títulu d'esti discu del cantautor, ún de los veteranos de la escena del Nuevu Canciu Astur. Producíu pol fíu del artista y editáu pola casa editorial Trabe, Pabirun, pabirun tien 14 temes compuestos lletrísticamente pol mesmu autor y tamién por poetes del occidente como Xosé Mª Flórez, Tino'l Rufo o Antón el Coque, contándose nelli histories de la vida antigua y la d'anguaño nes brañes vaqueires del occidente astur. Coles igües musicales de F. Javier Rubio nos estudios "Chaplín" de Xixón, el discu cuenta con collaboraciones como la de la cantante de tonada Mari Luz Cristóbal, el cantante del grupu "N'Arba" Xosé Antón "Ambás" y tamién el guitarrista y compositor de blues y rock Rody Herrera.

Nesta ocasión, el conciertu del compositor del occidente va producise nun marcu bien amañosu pa les sos composiciones como ye'l d'un tradicional amagüestu que va tener llugar nel local de la Venta d'Argancinas, en conceyu de Tinéu. La cita ye a les ocho y media de la tarde.