Yá tán a la venta les entraes pal Festival "Pallabra & Música"

"El Festival "Pallabra & Música" ta dedicáu al ""spoken word"", un xéneru práuticamente desconocíu nel nuestru país hasta hai poco. Nesta cuarta edición del 2008 amplía'l campu d'aición y, per primer vez, la ciudá de Xixón, y más concretamente'l Teatru de La Llaboral, acueye'l festival dientro de la programación de Llaboral Escena.

La organización recordó que Pallabra y Música nun ye un festival de poesía con música de fondu, nin un ciclu de música con conteníu poéticu. Ye un festival de ""spoken word"", esi xéneru qu'amiesta l'espíritu ""beat"" nel que se xunten testos recitaos - poesía,prosa o prosa poética - con música creada, esclusivamente, p'acompañar les pallabres. O a la escontra.
El festival Pallabra y Música quier esparder y afondar nel conocimientu d'esti xéneru, y llega a la cuarta edición con una esbilla bien cuidada de clásicos d'altísimu nivel entemecíos con artistes emerxentes.

Les entraes y abonos pal Festival ""Pallabra & Música"" yá tán a la venta nel ""Fnac"" de Parque Principáu, llibrería ""Paradiso"" de Xixón, ""El último mono"" n'Uviéu y ""Never Stop"" de Cabruñana."