Adolfo Camilo Díaz ganó l’Alejandro Casona de Teatru

L'autor ayerán Adolfo Camilo Díaz ganó'l premiu de teatru Alejandro Casona qu'entrega la Conseyería de Cultura.

El yá veteranu escritor y promotor cultural Adolfo Camilo Díaz (1963) tien yá dellos premios que chisquen la so amplísima obra lliteraria, rescamplando les dos ocasiones en que ganó'l Premiu "Xosefa Xovellanos" de novela n'asturianu, primero nel 1985 con "Añada pa un güeyu muertu" y más tarde nel 1997 con "Diariu de viaxe" amás del premiu de Novela Curtia de l'Academia de la Llingua que ganó nel 1988 con Pequeña lloba enllena d'amor. La obra que-y acaba de dar el trunfu nesti concursu de lliteratura que taba abiertu a obres en llingua castellana y asturiana y que tien una dotación de 6.000 euros entitúlase Wolf (Llobu) y foi la meyor pal xuráu d'un total de 112 trabayos que se presentaron a esti premiu que se creo nel añu 1999 col oxetivu de potenciar la dramaturxa asturiana. La editorial KRK va encargase de la edición de la obra.