Izquierda Asturiana pide un dominiu .ast p’Asturies n'internet

El partíu d'izquierda nacionalista pide que dempués de que Cataluña obtuviere un dominiu .cat pa identificar les sos webs, el gobiernu asturianu faiga otru tanto solicitando un dominiu de tercer nivel.

La formación nacionalista d'izquierdes remembra qu'otros gobiernos autonómicos, casu del gallegu, tan faciendo xestiones nesti sentíu y defende la necesidá d'un dominiu propiu p'Asturies na esistencia d'una demanda real pa ello como s'espeyaría na esistencia de cientos d'empreses y instituciones que tan pidiendo dominios ".as" que correspuenden en realidá a les Islles de la Samoa Americana.

Empreses como Telecable y instituciones como'l Conceyu d'Uviéu yá empleguen el .as, pero amás IAS ve un gran potencial económicu na concesión d'esti dominiu que "valdría pa asitiar n'internet y nel mercáu electrónicu los productos asturianos, sobremanera los que se tienen nes señes de la cultura asturiana, pa da-yos una presencia individualizada na rede" según diz el portavoz de la formación nacionalista d'izquierdes Naciu Llope.