El Gobiernu Tibetanu nel exiliu confirma 99 muertes

"El Gobiernu Tibetanu nel exiliu anunció'l martes la confirmación d'un total de 99 muertos nos enfrentamientos ente les fuerces de seguridá chines y los manifestantes tibetanos. ""Ye una cifra confirmada, contrastada con delles informaciones"", esplicó en declaraciones a ""Reuters Thubten Samphel"" un voceru del Gobiernu nel exiliu, añadiendo que 19 tibetanos fueron abatíos nes protestes del mesmu martes. La cuenta anterior fecha polos tibetanos nel exiliu yera de 80. Pela so parte les autoridaes chines aseguren que les fuerces de seguridá actuaron con moderación en rempuesta a les quemes provocaes y los saqueos en Lhasa, usando namás un tipu d'armes non mortales.

D'otru llau'l cabezaleru espiritual del Tibet amenazó con dimitir si la violencia se descontrolaba nel so país, ""si les coses van a más, nun me queda otra que que dimitir"", declaró'l Dalai Lama nuna rueda prensa na población india de Dharamsala (norte), onde tien la so residencia'l Gobiernu Tibetanu nel exiliu dende la ocupación de tropes chines. Poco enantes, el primer ministru chinu, Wen Jiabao, acusara al Dalai Lama d'entamar los enfrentamientos nel Tibet, añadiendo que los sos siguidores taben ""convidando al sabotaxe"" de los Xuegos Olímpicos de Beijing n'agostu. ""Hai munches evidencies que prueben qu'esto taba organizao, premeditao y planiao pol entornu del Dalai"", dixo Wen en rueda prensa na capital china."