Nuevos poemes vieyos de Marcos del Torniello

El próximu xueves, día 29 va presentase nel Atenéu Obreru de Xixón (C/Covadonga, 7 1º Izda) el llibru Dellos poemes más (1906-1907), de Marcos del Torniello, que s'enxerta na colección "Cartafueyos de lliteratura escaecida" de l'Academia de la Llingua Asturiana y del que ye responsable de la edición Rafael Rodríguez, quien consiguiere por esti trabayu un accesit nel premiu Federico G. Fierro-Botas 2004.

El llibru fai el númberu 87 de la colección Cortafueyos de Lliteratura Escaecida, qu'asoleya testos n'asturianu anteriores a 1970. Nel actu van tar Miguel Ramos Corrada, miembru de númberu de l'Academia de la Llingua Asturiana y profesor de Lliteratura na Universidá d'Uviéu y l'autor del estudiu, l'historiador Rafael Rodríguez.