Cádaba y Na Zona suenen n'Asturies.com Radio

Acabantes de llegar a la música folk asturiana, los discos de Na Zona y Cádaba yá suenen n'Asturies.com Radio.

En poques selmanes coincidieron les presentaciones de dos discos de folk asturianu de grupos debutantes. Ye'l casu de Cádaba, el grupu d'A Caridá que sacaron el so cd entituláu Doysidemol como tarxeta de presentación, siendo ésta una banda que tien traza de que va animar munches nueches folk del país. L'otru trabayu discográficu espublizáu de recién ye'l del grupu Na Zona , discu homónimu, que tamién quier amosar en 10 cortes el so conceptu de folk. N'Asturies.com Radio ufiertamos a los nuesos oyentes la posibilidá de sentir los cantares d'estes dos bandes dientro de la so programación de 24 hores.