El CAO organiza la IV Amuesa d'Arte pola Oficialidá

"El Centru Cultural Capistrano de Villaviciosa va acoyer dende'l martes 18 de marzu, la IV Amuesa d'Obres d'Arte pola Oficialidá. Los artistes que participen n'amuesa donaron les sos obres al Conceyu Abiertu pola Oficialidá (CAO), entidá qu'axunta a más de 250 colectivos sociales, culturales, políticos y vecinales.

L'actu d'inaguración va tener llugar nel Centru Cultural a partir de les 19.00 hores, y nél van tomar la pallabra'l voceru del CAO, Fernando Ornosa, y l'artista Ánxel Nava. Dambos van presentar la esposición, refiriéndose tamién procesu de reforma estatutaria que tamos viviendo nestos díes, sobre manera no que cinca a la situación de la llingua, según informó'l Conceyu Abiertu pente medies d'un comunicáu.

La esposición, que va tar abierta hasta'l próximu día 13 d'abril, tará compuesta de pintures, escultures y composiciones mestes. L'amuesa intégrase nuna serie d'actividaes que'l CAO cuenta organizar demientres dure'l procesu de reforma estatutaria, pa tratar de concienciar a la población y presionar a los partíos sobre la necesidá d'incluyir nel documentu la oficialidá de la llingua."