La llingua asturiana na reforma l'Estatutu

"El pasáu 17 de marzu, entamaben, cola valoración del informe ellaboráu pol Lletráu Mayor del Parlamentu Asturianu, los aconceyamientos que van tener llugar ente los trés partíos con representación nel parlamentu asturianu. L'oxetivu d'estos alcuentros será la ellaboración, nun plazu curtiu de tiempu, d'un Estatutu d'Autonomía p'Asturies.

Dientro del testu ún de los asuntos que xeneren más tensiones ye la consideranza de la llingua asturiana dientro del testu estatutariu. Partíos como IX-BA-LV declarábense nestos díes favoratibles a la reconocencia oficial de la llingua, d'otru llau'l Partíu Popular afinaba plantegamientos dempués d'una campaña electoral na que l'alcalde d'Uviéu, Gabino de Lorenzo, valoraba la oficialidá como un camín posible. Anque la postura del partíu nel gobiernu, PSOE, paez tar clara nesti sen, ¿camientes que los otros dos partíos con representación serán a voltiar les tornes?, ¿camientes que l'asturianu nun algamará la reconocencia oficial, pero sí meyorará'l so estatus llegal?, ¿opines que nel nuevu testu l'asturianu tendrá peor consideranza que nel anterior?. Queremos conocer les tos opiniones nel Conceyu Abiertu."